親親曾芷君大作戰

雖然我成日掛喺口邊，但係呢個只係藉口，求諸己嘅我會堅持到做到，求諸人嘅我唔會咁做。當初你都係鼓勵我，我又點會令你感到為難呢傻豬 ^3^ <=呢個當啜咗啦。

精油樽仔

淘宝淘咗啲精油樽仔終於都到貨啦，相當靚仔，笨蛋應該會啱用嘅 :-*

工作又上學很累吧？

早上看見你的倦容，就知晚上讀書很累了，辛苦你了，既然是必須的，我只好支持你！加油哦！喺我車上好好休息吧。看到你這傻豬，我的一天也甜甜的 :)

你進步，我也會進步！唔會比你叻過我嘅，呵呵呵呵呵呵~~

雨過天晴

你竟然感覺到我灰咗機，打來同我講唔係認真信嘅，一天都光晒，開心返 :)

晴天霹靂

突然話要參加慕道班想入教...

唔知點解我真係好想叫你唔好...

唉...灰機了

每朝的第一件事

就係見到你，同你講句早晨！

或者，你只係覺得有人車好好，但對於我來講，每朝見到你就好好！

做到啦！

夢見你轉咗去中學 >3<O

嬲到面都紅晒

今日黃雨，朝早過嚟車你返工，你話我聽比爸爸鬧，因為男朋友打去你屋企刺激到你阿爸啲 Stubborn 嘢。

除非真係死人冧樓嘅特別情況，Man底嘅你照顧到自己，唔駛人叫起身，要醒就會醒，作為男朋友應該好清楚先啱，我無話可說了。

不過亦因為咁，我又見到你火氣嘅一面，好耐都無見過了，低b仔 >3< 面都紅晒。

你話佢好蠢，我同意㗎，早晚你會感受更深... 唉... 都廿尾啦，工作唔係叻，又唔係積極，我好懷疑佢將來點照顧好你。

有情真係飲水飽？

開車回家

隨機播著歌曲，聽到一首舊歌，纏繞我的心...

你當我是知己　我看得到

我當你是一生前途 

幸好，他還懂得愛惜你... 而我也有很多未做好的地方，我明白的。

其實我都好好㗎

看到他送給你的開學禮物你好開心，我想講，我好多時見到啲嘢我知你會鍾意，都會想買比你，可惜我不是你的男朋友，我咁做只會令你尷尬。

可以咁講，呢一刻我都好愛你，但我只能在另一個時空守候著，或者喺平衡時空，你會係我女朋友呢？哈哈。睇見佢無咩嘢，你又開心，我縱使有啲酸，都係開心嘅。

我唔知道究竟將來會點，但呢一刻我尊重自己的感覺，也尊重你的選擇。

今日搭見到有個太太帶住鑽介，低B仔的我就喺度發夢，諗如果買介指，結婚嗰隻要係1.314卡，求婚就1卡，咁拍拖應該係幾多卡呢？答案係0.761卡... 點解呢？呵呵呵~

哈，如果比我遇到我愛到Wifable嘅人，就一於咁決定啦！

明天開學了

呢一年好緊要，我要好努力咁做好我嘅工作！

雖然做好自己點都係為自己設想，但呢一刻你是我的動力來源。

不知為何有這個感覺，節錄自【那些年，我們一起追的女孩】：

從此以後，努力用功讀書，竟然變成一件非常熱血的事。

我們都要加油哦！

實習的最後一天

看到你實習的照片，看到學生的笑容，好像感覺到你一樣。

呢一年你改變咗好多，叻咗好多，應該係喺馬振玉長大了。而對住啲小學BB都可以做得咁好，我真心服了你，還是這是女人的本能？雖然我知到，真正發揮到你嘅，係中學嘅環境，長期喺小學，寶刀都會生銹，第時一定要搵間中學吖。

又突然記得以前嘅你硬崩崩有好多熱情堅持同硬頸加幾分熱血嘅傻樣，其實幾可愛。

寂莫

一個人在家，真的很寂莫...

嘻嘻，恭喜

視學表現好，我知你做到。

叻豬啦 >3<

好嘅女仔，一定係多人追

又收到花，哈哈，已經見怪不怪了。

唔知點解突然諗起上年暑假偷偷哋揸車入你學校同埋去食糖水，覺得好開心。

生日願望

我沒有甚麼宏願，就祝你視學成功。<3

笨蛋，我知你得嘅^^

祝我生日快樂！

果然，我的女朋友忘記了我的生日。

我亦已有心理準備。

早上收到君的生日祝福，我很感謝，如果我女朋友係咁就好了。

可惜她有男朋友，我又有女朋友。

好，要保持快樂的心情！

實習被糟質

哎，我好想話，我明嘅。

我都經歷過被人糟質嘅年代，Be Strong！

總要學　 無論代價多重 學會的　 多少幫補自信
每課書　 何時被考起總有些用
至少你知道什麼不懂 

大概只得戀愛是　沒標準的教科書
必須靠人不斷試　望傳情達意
二人共處　才夠真摯

學多啲嘢，就當裝備自己啦^^

我明白一定會有啲灰機嘅，加油哦！

觸到痛處

我的女朋友嗎？

很久沒回來了，連訊息也沒回，大概都忘記了我的生日。

我的舊同事反而記得我快生日，還好吧。:D

可愛

呢個笨蛋好可愛... 嘻嘻

不是味兒

或者男朋友係唔同啲嘅，但我真係諗唔明，其實點解佢可以成日同男朋友嗌交。

一定係佢男朋友有問題，有咩可能會激嬲佢呢？我完全唔理解。

有啲嬲嬲哋...

SGM的狗公

今日真係睇到眼怨，如果君喺我學校，我諗佢一定會係受害者，呵呵呵呵~~~

台灣交流

上次暑假過來，完全無 Planning，多得我的好好秘書不斷搜羅附近有咩好去處。

不經不覺又大半年了，應該都差唔多用完，買定啲豆豆貼帶返去。

機會

佢會係好好嘅老師，但需要一點機會。

呢個感覺好特別，與其說是感覺，不如說我知道。

呢一兩年係中學最難捱嘅一年，不過，中小學都搵，機會應該大啲嘅。

咁早開始睇明報，好似搵自己份工都未有咁落力，我一定是傻了。

成人之美

本來約了明天吃飯，但她忽然要陪男朋友，也就算了...

有點失落。

祝．君．好

祝君好
作詞：周禮茂
作曲：Cho Kyu Man
編曲：黃丹儀
監製：黃丹儀

聽　你不斷呼叫我
劃破　寧靜我的心下墮
在難過　講不出愛沒結果
口和唇　緊緊閉鎖
哭　也一話都不說
害怕　連累你一生日月
憾無缺　只差跟你曾遇過
給過你　太多波折
寧願沒擁抱共你可到老
任由你來去自如在我心底仍愛慕
如若踫到他比我好
只望停在遠處祝君安好
雖不可親口細訴
說　太多話我想說
但我　還是要啞口道別
任由我　天空海闊流翔過
只要你　白似冰雪
寧願沒擁抱共你可到老
任由你來去自如在我心底仍愛慕
如若踫到他比我好
只望停在遠處祝君安好
雖不可親口細訴
寧願沒擁抱共你能夠終老
任由你來去自如在我心底仍愛慕
如若踫到他比我好
只望停在遠處祝君安好
多麼想親口細訴

不知道這是甚麼感覺，聽說她交了新的男朋友。
有總難以言喻的難過。

劃破　寧靜我的心下墮
在難過　講不出愛沒結果

始終，我有女朋友

口和唇　緊緊閉鎖

窈窕淑女，君子好逑

如若碰到他比我好　只望停在遠處祝君安好

多麼想親口細訴...

我知道內心出了些事情，想記錄低這些感覺...